Entiro gabii wa ko nakatulog
Di ko makatuo ikaw akong kadulog
Ikaw naghigda dinhi sa akong kiliran
Akong mga bukton gihimo mong unlan
Hamis mong paa kanako mitanday
Aslom kong kili-kili gisimhot-simhot mo kanunay
Humot mong ginhawa mipainit sa akong aping
Naglutaw ko sa langit ug giduyan ang kasing-kasing
Maayo unta di na moabot ang kabuntagon
Aron sa kanunay ikaw akong gakos-gakoson
Init mong parayeg nangurente hangtod sa pus-on
Hangtod ako nahigmata ug mibangon kay kaihion
Ako nakuratan kalit ka lang nahanaw
Katapad ko Iring diay mitapad nako kay gitugnaw
Giwakli ko si ming-ming ug sa unlan ako migakos
Mobalik pag katulog kay damgo ko wa pa matapos. Bow!
By : Jun Abines
No comments:
Post a Comment