Walay mahimo ning kabuntagon
Kundi maghinoktok dinhi sa baybayon
Walay hinigugma ug layo ang pamilya
Kung moadto sa syudad kahas pud ug gasolina
Unsa man ang angay kong himoon
Kung kining kasing-kasing daw nag masulb-on
Daw nangita ug iyang kaugalingon nga kalipay
Apan daghan ang pag-antos ug mga pagmahay
Ania nagtan-aw sa mga gagmay'ng balod
Samtang kalangitan puno sa panganod
Mabugnaw nga hangin kanako mihuyop
Samtang ang dughan sa kagul-anan gisuyop
Tingog sa langgam ug tuktugaok sa manok
Maoy ray nabati samtang naghinoktok
Mga gagmay'ng baroto didto sa lawod
Giduyan-duyan kini sa mga dagkong balod
Tiyan kong way sulod nagsige'g dagook
Apan di gusto mouli kay labhonon nag dan-ok
Dinhi sa baybayon ako maglingaw
Aron kalimtan mga problema ug kamingaw. Bow!
(By: Jun Abines)
No comments:
Post a Comment