BUWAG!

Ayaw pagsalig sa imong ka gwapa
Kanang ngi-ad mong batasan palihug usba
Kay imong ka maldita di ko na ma antos
Gamay na lang ang kulang nga ako mamutos

Undanga na usab kanang imong pag selos
Kay imong mga pag duda walay pulos
Imongbsala nga namili ka ug gwapo
Wa man diay kaybsalig sa akong pagkatawo

Nag basolmako ning atong kaminyoon
Sa imong pagka tapulan wa ko maka uyon
Abi ko usa ikaw ka boutan
Usa ka man diay ka babayeng way hinungdan

Busa maayo pa kita mag buwag
Aron matuman kanang imong uwag
Papel ta sa kasal atong gision
Kay atong panag kuyog di angay padayonon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

LIMOS

Batang gamay nangayog limos
Taliwa sa mga sakyan nga nag haguros
Imong gi hatag ang sinsilyo
Aron mohunong sa pag purwesyo

Halangdon nga pari sa simbahan
Usa ka gatos imong gihalaran
Aron kuno mahidoul sa ginoo
Ang maong kwarta gigamit sa paring bisyoso

Bayad mong buhis sa goberno
Pila ka libo gi bawas sa imong sweldo
Wala ikaw mo reklamo
Bilyones gikawat sa mga politiko

Ablihi mga mata mo higala
Kung kinsa'y tinood nangawat sa imong kwarta
Kining atong nasud puno sa kagubot
Kay sa kamautoran daghan kanato wa kasabot.

Ni : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

MALIMBONGON

Inday ayaw gyud ko tintala
Kay di ko mopatol nimo ayaw katingala
Kay kining kasingkasing ko hiniktan
Sa gwapa kong uyab nga boutan

Inday ayaw ko pakit-a
Nianang hamis ug puti mong paa
Kay basin ako makalimot
Sa imong ka gwapa ug kahumot

Inday ayaw ko tutoki
Kay mahagit akong pagkalalaki
Kung ako mahinayak di ka makadepensa
Kay init ug lami kining akong romansa

Inday ako manamilit
Kay basin gugma ko kanimo mopilit
Kay basin kitang duha unya magbasol
Sa gugmang ginadili kita mi patol

Inday ayaw paghilak
Ayaw hawiri akong hawak
Kalimti na lang atong mga kagahapon
Nakigkita lang ko nimo aron ikaw pasayloon

Inday ayaw na paglaum
Kay nahibalo nako ikaw bakakon
Wala kay lain nga basolon
Kundi ang imong pagka malimbongon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

PAYAG

Hangtod karon di ko pa hikalimtan
Kadtong payag sa bukid nga atong gisilungan
Kusog ang ulan ug pwerti gyud katugnaw
Kita lang duha didto ug walay nakatugaw

Mihangyo ako kanimo pwede bang mohalok
Apan nawad-an ko'g gana kay anghiton ka ug ilok
Sa dihang imong gi tubag ang akong pangutana
Akong nasimhot ang baho nimong ginhawa

Apan gipakaslan ko ikaw ug gihigugma
Ikaw gi palangga ug tinood nga giamuma
Ug karon pwerti na nimo kahumot ug pwerting gwapaha
Wa gyud ko magmahay ikaw akong gipangasawa. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

TAPULAN

Dili masukod ang akong kalagot
Kay gibayloan ko ni inday sa lalaki nga maot
Di ko gyud masabtan ug wa ko kasabot
Nga didto sa maot nga lalaki siya nahimoot

Adunay tsismis ang akong na dunggan
Kadto kunong maot nga lalaki diay kwartahan
Ang rason kuno ni Inday nga ako gibayloan
Kay ako kuno usa ka pobre ug may pagka tapulan

Ania ako nagmasulob-on ug naghilak
Kay kasing-kasing ko gibiyaan ug nabuak
Sugod karon mo kayod na ako ug mag kugi
Aron di na biyaan sa hinigugmang babaye

Nasayop gyud ako sa akong pagtuo
Nga igo na sa babaye ang akong ka gwapo
Apan dili pa hinoon ulahi ang tanan
Sugod ugma usa na ako ka gwapo nga kugihan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

INSOMYA

Ambot nganong di gyud ko makatulog
Nagsige na la'g pangandoy nga ikaw makadulog
Nabun-og na intawon kining akong unlan
Nga kanunay gigakos ug sige'g tandayan

Pagkanindot kaha kung nia ka ning kiliran
Tapos akong abaga himoon nimong unlan
Maghisgot kita sa atong mga pangandoy
Samtang akong mga kamot nag suroy-suroy

Tapos imo kong simhot-simhoton
Apil ang kili-kili ko nga medyo aslom
Unya kitang diha maggitik-gitik
Daw batang gagmay nga mo agik-ik

Sa kahinam kanimo tuhod ko mokurog
Samtang hirig kong katre mag uyog-uyog
Sigurado ako nga pagka ugma dili kabarog
Kay kanimo mahurot akong mga kusog

Apan ania gihapon nag inusara
Wa pa makatulog kag gi insomya
Nalingaw sa paghuna-huna kanimo
Hinaut makatulog aron makit-an ka sa damgo. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

SOPHIA

Ikaw ang kalipay niining kinabuhi
Imong mga gakos ug halok sama sa adlaw'ng hari
Tam-is mong pahiyom maoy kanunay ginahandom
Samtang sa mga kasakit ug problema ako nag masolub-on

Salamat sa imong mga pag pangga
Bisan atong mga garbo usahay magbangga
Ikaw ang hinungdan nga ako kanunay nag amping
Aron ikaw modako nga ako naa sa imong daplin.

For : Sophia Nelyn Abines
From : Papa Jun

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KALIPAY

Dili masukod ang akong kalipay
Nga ania sa imong kiliran nagpa-uraray
Akong pahiyom abot sa dunggan
Kay akong mga bukton gihimo nimong unlan

Dili lalim akong mga paningkamot
Nga ikaw mahulog sa akong mga kamot
Daghan ko ug karibal sa imong gugma
Mga maayong laki kapin usa ka dosena

Di ko makatuo ako imong gipili
Sa mga kwartahan ug gwapo ikaw nag dumili
Kay imong nakita ang putli kong gugma
Ikaw gihalaran sa tanan ug gi-amuma

Mao kini ang giingon nga swerte
Aron maangkon ko ikaw ako nagkugi
Gugma sa dayon ang akong premyo
Kinabuhi ug gugma alang lang gyud kanimo. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

DUYAN

Hawid sa akong kamot akong pinalangga
Kay iduyan ko ikaw sa mahanoy ko nga mga pagpangga
Salig kanako nga ampingan ang imong gugma
Kay kining akong pagmahal kanimo talagsaon ug way sama

Ayaw kahadlok sa bisan unsang mga pagsulay
Kay sagopon ko ikaw sa mga kasakit ug dili isalikway
Gakos dire kanako ug hugot ayaw gyud pagbuhi
Kay ilupad ko ikaw sa kalipay, mosugot ka'g sa dili

Kalimti na tanan ang imong problema
Kay sulbaron ko ang tanan kung ako ma-imong bana
Hagki akong aping ug ngabil sa pinapilit
Aron tumang kalipay sa akong dughan mosirit. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AYAW PUKAWA

Ayaw intawon pukawa ang pagbati kong natulog
Kay nahadlok ako nga sa gugma mausab pagkahulog
Sakit pa intawon ang kasing-saking, atay ug batikolon
Kay na ilad kaniadto sa babayeng malimbongon

Palihug ayaw ko pakit-a sa mga tam-is mong pahiyom
Kay humok kong dughan sa maanyag dali lang maka uyon
Kung mahimo ayaw usab kanako pag paduol
Kay nag antos pa kining balatian sa kasakit ug kaguol

Gi abisohan ko na ikaw ayaw gyud ko'g basula
Kay kong ako mobalak sigurado ikaw kanako mahigugma
Ayaw ug katawa kay ako wala kanimo magkomedya
Kay basin kining akong ka-gwapo maoy mahimo nimong bana. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

NAHANAW

Daw sama sa aso gugma ko kanimo nahanaw
Kay karon nakaila na ako sa batasan mong hugaw
Imo ra diay akong gibiuanagan ug gi ilad
Gitago mo kaniadto mga kina-iya nga ngil-ad

Apan dili pa ulahi kanako ang tanan
Andam ako karon nga ikaw buwagan
Kay dili ako mag antos sa tibook kinabuhi
Sa imong kabakakon akong dughan nagdumili

Molayas na ako ug mamutos
Kay dili ko martir nga kanimo mag-antos
Bahinon ta kining anak tang usa ka dosena
Imo ang mga maot ug ako ang may hitsura. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BAYBAYON

Akong pa gihapon karon mahinumuman
Kitang duha didto sa baybayon nag-uban
Atong pangalan sa buhangin gisulat 
Sulod sa porma sa kasing-kasing daplin sa dagat

Apan kini gipapas sa mga gagmay'ng balod
Sapatos nato nabasa nangatawa kita'g kusog
Imong mga kamot akong gihawiran
Sa pitli mong gugma ikaw gisaaran

Apan karon usa na lang kadto kagahapon
Kay ako nang langyaw ug naabtan sa kaminyoon
Apan sa kasing-kasing ko ikaw ang nagpabilin
Sa kamingaw kanimo dughan ko nagpailin-ilin

Kung asa ka man karon hinaot imong mapasaylo
Imong gugma gisamaran ug sa asin gituslo
Dughan ko padayon nga nagbasol ug naghilak
Kay akong panumpa kanimo napakyas ug nabuak. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KAPALARAN

Didto sa dakong kahoy nga karaan akong gipatik
Ang pangalan sa babaye nga sa akong dughan gipitik
Ginamit ang hait nga tumoy sa kutsilyo
Aron dili kini mapapas ug modugay pag-ayo

Siya ang babayeng unang naibgan ug gimahal
Tungod sa dako kong gugma niinom ako'g bahal
Aron makahulam sa bino ug dugang kaisog
Aron itug-an ang gugma kaniya nga tuhod di mokurog

Apan di gyud matag-an ang mga panahon
Nahuman ang mga katuigan ako kaniya wa maka-ingon
Gugma ug pag dayeg kaniya padayon nga gisekrito
Hangtod sa halayong mga dapit ako niadto

Gibati ko kaniya padayon nga buhi
Akong kasing-kasing siya lang ang gipili
Apan wala ako'y kaisog isulti kaniya ang tanan
Dili siya alang kanako maoy desisyon sa kapalaran. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

GIMINGAW

Gimingaw ako sa tam-is mong mga halok
Kalami simhoton puti ug aslom mong ilok
Kalami pisliton gagmay mong mga bil-bil
Samtang gipaak mga pula mong ngabil

Gimingaw ako nga ikaw tandayan
Samtam na hapyod-hapyod sa imong tiyan
Kasing-kasing ko pas-pas gyud mopitik
Samtam sa kalipay imong kong gigitik

Ikaw lang gyud ang akong ginadayeg
Wa nay makalabaw sa imong mga parayeg
Tungod kanimo ania ako nang langyaw
Busa ntoson ko na lang ang mga kamingaw. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

IKAW ANG PANGANDOY

Pangandoy ko ikaw sa kinabuhi
Apan ang panahon kanako nag dumili
Tungud kay dili ko ikaw kaya makab-ot
Sama ka sa bitoon, ako ang sagbot

Himoon ko ang natan alang kanimo
Isugal ang kinabihi, dungog apil ang anino
Kay ikaw lang gyud ang bugtong kalipay
Alang kanimo andam ako magpakamatay

Palihug intawon ayaw ko talikdi
Kay daghan pa ko gustong isulti
Ikaw ang naa sa huna-huna pirmi
Pinirisong pagbati ikaw lang makalibre

Hinaot nga imo akong paaboton
Himoon ko ang tanan di ko ikaw pakyason
Kay ako usa lang nimo ka ulipon
Ikaw ang pangandoy ug inspirasyon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KLASMET

Nalipay ko nga nagkita ta
Medyo nausab na gyud atong mga hitsura
Ikaw ni gwapa ug ni seksi na
Ako usab na macho ug pwerting gwapoha

Ikaw naay kotse ug malipayon
Ako way trabaho ug pobre gihapon
Apan ako kanimo dili maulaw
Kay sa akong mga klasmet ako gimingaw

Atong hisgotan ang kagahapon
Sa matag exams imo gyud kong pakopyahon
Kanimo pwerte nako ka ibog
Apan sa pagtug-an sa gibati wa ako'y kaisog

Kanindot hisgotan atong mga titser nga boutan
Apil na usab kadtong titser nga gikahadlokan
Parte na sila sa atong mga kagahapon
Tungod kanila kita nag malamposon

Atong ipadayon atong pagkahigala
Tungod kay way lain magtinabangay kundi kita ra
Maghugpong kita aron sa mga kaayohan
Kay kita ra gihapon ang mabolahan. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BISDAK

Ipasigarbo sa tibook kalibutan nga ikaw bisaya
Nag gikan sa paraiso ug bahandianon nga yuta
Puno sa sidlak sa adlaw ug lugar sa mga malipayon
Gikaibogan sa mga langyaw tungod sa nindot nga talan-awon

Ayaw sab ikaulaw ang kaugalingon mong pinulongan
Kay tibook nimong pagkatawo dinhi tanan nag gikan
Ayaw usab itago imong abilidad ug talento
Usa ikaw usa ka bisaya anad sa bisan unsang engkwentro

Panahon na aron gamiton ang mga pulong
Bisan atubangan sa mga langyaw aron kita respetaron
Nga kita naggikan sa lugar nga sama sa paraiso
Boutan, mapahiubsanon, simple ug mga edukado

Bisag asa ka masaag ipakita ang abilidad
Mga banggiitang bisaya dili gyud molubad
Kay ikaw naggikan sa talentado nga tribu
Ang mga bisaya maoy kinabag-an sa nga Pilipino

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AYAW TAMAYA

Ayaw tamaya kining ilong kong pislat
Ayaw'g tamaya kining mata kong lagat
Ayaw'g kataw-i kining baga kong ngabil
Ayaw usab tutuki ang nag bitay kong bilbil

Hinoon dawata kining putli kong gugma
Ug palihug siliba baga kong pitaka
Sakyi usab ang nindot kong awto
Kay sa akong mansyon kita mangadto

Kalimti na kadtong uyab mong gwapo
Kay daghan to'g uyab ug pwerti ka palakero
Kung ako ang imong pilion pakaslan
Ikaw panggaon ang paga silbihan

Busa Inday huna-hunaa
Kining akong hitsura ayaw tamaya
Kay kasing-kasing ko bulawanon ug puno sa gugma
Kining maot kung nawong ayaw nalang panumbalinga.

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

TABANOG

Kalipay ko kaniadto magpalupad ug tabanog
Sa kainit sa adlaw way kahadlok mga panit masunog
Didto sa hawan sige ako magdagan-dagan
Mga huyop sa hangin akong gipailin-ilinan

Gamit ang papel nga dyaryo ug tukog sa silhig
Sa nipis nga tanod ni nanay tabanog ko gisalig
Kahinam sa akong kasing-kasing wa gyud milubad
Himoon ko tanan aron tabanog ko molupad

Una kong tabanog dakong kapakyasan
Di mao ang balansi ang desenyo dautan
Mitakilid, mituyok ug dayon misawom
Imbis padulong sa kalangitan, sa yuta mipaingon

Ikaduha kong tabanog nasangit sa poste
Kay pitsido ang lugar sayop akong diskarte
Ikatulo kong tabanog nakalupad gyud intawon
Apan pisi na bugto tabanog ko misawom

Apan wa ako nagpapildi sa mga kalisdanan
Sa pahimo ug tabanog wa gyud ko miundang
Niabot ang panahon sa tabanog ako na eksperto
Daghan koy namauhan nga bisan unsang desenyo

Ang pagpalupad sa tabanog adunay pamaagi
Atubangon gyud ang hangin birahon ang pisi pirmi
Matag huyop sa hangin kini opurtunidad
Bihahon ug tugutan ang pisi aron motaas ang lupad

Salamat akong tabanog sa mga pag tulun-an
Ako nidako nga adunay abilidad ug kinaadman
Ang pag himo sa tabanog usa ka pagsuway
Kinahanglan molupad kini aron kita malipay

Ang atong kinabuhi sama sa tabanog
Mga hangin sa pagsuway sugaton nga dunay kaisug
Pisi sa diskarti ug kakugi angay nga tugotan
Aron molupad pataas padulong sa kalamposan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

PINAY

Dalagang Pilipina di ko gyud ikaw ibaylo
Sa akong mga mata ikaw ang babayeng perpekto
Dili ikaw luspad ug dili sab lagum
Sakto imong pamanit ug nindot gyud tan-awon

Imong ilong di pislat ug di sobra ka taas
Wala sab kay anghit ikaw humot sama sa gatas
Apan usa gyud ka butang ang dili ka malabwan
Ang imong pagka mapinanggaon ug nindot nga batasan

Dalagang Pilipina swerte imong mabana
kay ikaw kugihan ug abtik sa kusina
Swerte usab kaayo ang imong mga anak
Kay ikaw andam moantos ug andam moaagak

Moabot ang panahon ako mangasawa
Sigurado gayod nga pakaslan ko usa ka Pilipina
Apan ako naguol kay daghan nako ug karibal
Bisan mga lalaking langyaw nahibalo na nga ikaw espesyal. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

NAG UROS-UROS

Kining gugmang kung nang uros-uros
Di ko ipabuhagay kanimo basin ka maburos
Ako na lang gyud kining gipugngan
kay dili pa ko andam mahimong ginikanan

Taas pa kaayo ang akong pangandoy
Nia pa ko sa tunga-tunga layo pa ang tumoy
Busa kining akong gugma kanimo gipugngan
Kay di pa ko andam nga ikaw pakaslan

Apan usa lang ako ka tawo
Walay igong kaligdong pagbalibad kanimo
Busa gihangyo ko ikaw nga kanako palayo
Kay sa imong kahumot mura ako'g ma ungo

Atong paaboton nga ako molampos
Aron sa kinabuhi di kita mag-antos
Kay akong pangandoy kinabuhing hayahay
Aron atong paghinigugmaay tinood nga mag dugay. bow!

TAMBAL

Inday paminawa kining akong balak
Tambal kini sa kasing-kasing mong naghilak
Kasakit mong gibati ipasalig kong mawala
Ikaw makakatawa ug mohalhal imong dila

Pero adunay koy hangyo sa di pa ko mopadayon
Palihug intawon pahiri kanang nagtabisay mong sip-on
Ug kung pwede sab palihug intawon pang lilam-os
Kay di ganahan sa babayeng bulingit gusto nako'g him-os

Pero mas maayo gyud hinoon kung ikaw maligo
Kay dunay koy nasimhot nga aslom-aslom ug baho-baho
Ug mas nindot pa gyud kung ikaw manudlay
Kay di ko makabalak nag tan-aw sa bubok mong nagbuhagay

Kining akong balak alang lang gyud kanimo
Di mo kini makit-an sa bisan asa nga libro
Kining tanan nga pulong pulos gyud orihinal
Kay sa pagkatinood dugay ko na ikaw'ng gimahal

Ania ako karon sa imong kiliran
Aron ikaw pakataw-on ug pagabalakan
Kay di ko makaya tan-awon ka nga nag antos
Kining gugma ko kanimo lunsay gyud ug bug-os

Andam ka naba maminaw sa akong balak?
Siguradog kong malingaw ka di gyid ni bakak
Sa di ko pa sugdan aduna koy gustong hangyoon
Sa kandiison mong aping ako imong pahagkon. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BUKID

Pangandoy ko nga mopuyo didto sa bukid
Sa gamay nga payag ako magligid-ligid
Samtang gihuyop sa bugnaw nga hangin
Mga problema sa kinabuhi sa syudad ko ibilin

Mag tanom ako'g daghan kamote
Saging, lagutmon ug mga kalibre
Biyaan ko ang syudad ug ang trabaho
Kay gikapoy nako sa gamay nga sweldo

Sa bukid ako magpayahay
Huni sa mga langgam maoy kalipay
Presko nga hangin akong tagamtamon
Mga kahoy ug prutas akong itanom

Di nako kinahanglan mag antos
Sa kinabuhi sa syudad nga walay pulos
Sige lang kayod nga walay asenso
Wa pay batasan salbahis ko nga amo

Ang problema kung asa nga bukid ako moadto
Didto sa amo sige gyera rebelde ug sundalo
Wa na sab mga kahoy ug mga kahayopan
Kay sa illegal loggers kini giupawan

Mag unsa na lang ang bag-ong henerasyon
Wa nay kabukiran silang paga adtoon
Tungod kay ang tanan wala magpakabana
Kabukiran nahanaw na ug nawala. Bow!

By : Jun Abines

LIBRO

Di ko interesado sa libro
Lisod basahon ug baga kaayo
Dili ko kasabot kay ang sulod inenglis
Gipas-an kada adlaw sapatos ko nahilis

Ambot unsay pulos aning eskwlehan
Gipamulong sa titser di ko gyud masabtan
Apan ingon ni nanay magkugi gyud eskwela
Aron kuno sa kapobrehon haw-ason ko sila

Ania nag antos aron makat-on
Nagbasa ug libro nga lisod sabton
Ambot nganong halos way libro nga bisaya
Siguro tanan nag malamposon sa Pilipinas nibiya

Halos tanan Pilipino gusto abtik mag iningles
Tanan gusto mo abroad naghikay ug papeles
Kining lugar nga natawhan gusto nilang biyaan
Kay kining kunong atong lugar puno sa kalisdanan

Alang kanako pag-abroad di maoy solusyon
Pag tul-id niining nasud ako kining obligasyon
Mga kawatan kriminal angay nga presohon
Aron maundang na kining lawom nga kurapsyon

Ang plano magsulat ug libro
Binisay-on pagsulat aron masabtan pag-ayo
Nga ang hinungdan sa kalisdanan mao ang atong lederato
Nga naa sa malakanyang, senado ug kongreso. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AKONG PILION

Kung ako ang papilion
Sa kinabuhi o sa kamatayon
Mas pilion ko ang ang kamatayon
Kung ako dili mo sugton

Kung ako ang papilion
Sa gugma o sa kwarta
Mas pilion ko ang kwarta
Aron paliton ko ang imong gugma

Kung ako ang papilion
Sa langit o sa impyerno
Mas pilion ko ang impyerno
Basta maoy sugo nimo

Kung ako ang papilion
Sa kagawasan o sa prisohan
Mas pilion ko ang prisohan
Basta ako imong pakaslan

Kung ako ang papilion
Sa kalamposan o kapakyasan
Mas pilion ko ang kapakyasan
Basta ikaw ang hinungdan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

PANGANDOY

Pangandoy ko ikaw daw bitoon
Taas kaayo ug lisod kab-oton
Pangandoy ko ikaw magakos ug mahagkan
Bisan intawon sa mga damgo man lamang

Kanako ikaw dili motan-aw
Kay ako ubos sama sa hugaw
Ako intawon wala mo tagda
Kay dili ko dato o walay hitsura

Apan alang kanimo himoon ko ang tanan
Ug sa gugmang putli ikaw halaran
Kantahan ko ikaw ug balakan
Hangtod mo homok ang imong dughan. Bow!

By : Jun Abines