Ako si Kabaw nga bootan ug kugihan
Nag-ugmad nagdaro sa inyong humayan
Giulipon sa tawo nga wala'y sweldo
Usahay ihawon pa matag pista ug pasko
Simple ra gyud ang akong kalipay
Human sa trabaho sa sagbutan itugway
Ug intawon ayaw ko ibulad sa adlaw
Mas gusto pa nako magtuna sa lim-aw
Di ko moreklamo kung inyo kong sakyan
Pero di ko kabayo nga kusog modagan
Ug kung mahimo ayaw ko abusari
Kay hait kung sungay pwerti ka 'deadly'
Ako ang hayop nga murag sakyanan
Pwede moabante ug moliko basta mandaran
Hinaya lang pagbira ilong kong gihiktan
Kay basin unya akong sungay motapak sa imong kiliran. Bow!
By : Jun Abines
No comments:
Post a Comment