DUYAN

Unsay pulos ning nindot nga duyan
Kung ikaw halayo wala sa akong kiliran
Mas maayo pa sa kalisod ako mag-antos
Basta matag takna ikaw ang akong kagakos

Walay pulos ang nindot nga mga talan-awon
Kung ikaw dili nako tinood nga maangkon
Mas maayo pa nga mopiyong sa kangitngit
Samtang sa imong mga kamot ako naggunit

Di ko masimhot ang presko nga hangin
Kay imong kahomot sa hunahuna ko nagpabilin
Mas maayo pa mag-antos sa sa tumang kabaho
Basta ang gugma mo kanunay dinhi kanako.

By : Jun Abines