Patyon ko ikaw inday sa kahinam
Akong pagbati kanimo di ko gyud itug-an
Bahala na ug kanimo di makagakos
Kay kita man sab duha ang mag-antos
Gugma ko kanimo sangko sa langit
Apan di ko angkonon molimod ko sa hingpit
Bahala na matag gabii di ko makatulog
Kining nag uros kong pagbati padayon ilimod
Natagam na intawn kining humok kong kasing-kasing
Dali lang molanay kaniadto sa gwapa nga magpaduding
Apan putli nga pagpangga ila nga gidulaan
Tanan kong pasensya nahurot ug natagam
Sugod karon tanan babaye kanako maglaway
Kay kublan na ang kasing-kasing, batokulon apil ang atay
Bisan unsa ka gwapa ug bisan unsa ka seksi
Way kay malaoman kanako bisan gamay nga ngisi
Apan kung ikaw Inday tinood kanako nahigugma
Doul ngari kanako kay pwede ta mag estorya
Numero sa akong telepono pangayoa
Kay basin bato kong pagbati mahangyo mo pa
By : Jun Abines
No comments:
Post a Comment