Way nagtimplag kape ug walay pamahaw
Haw-ang kong dughan napuno sa kamingaw
Lawom ang ginhawa nagsige'g pang hupaw
Plano ko unta nga mag dyaging
Aron maliskog kining lawas ug motaas ang hangin
Apan kalit lang nawala ang akong gana
Sa dihang nisantop sa ulo nag daghang problema
Unsa man ang angay kong himoon
Kung puno sa kagoul kining kaugalingon
Unsa man ang tambal sakit sa dughan?
Ug mga pagmahay sa pagbati samaran
Ihilak ko nalang unta ang tanan
Apan sa mga luha dugay ng kasabsan
Ania padayon nga nanghinoktok
Naglalis ang kasing-kasing ug ang utok
Walay mahimo kundi mopadayon
Samtang may kinabuhi adunay paglaum
Kay kining tanan pagsuway lamang
Dinhi sa temporaryong pamuyo sa kalibutan
By : Jun Abines / Bisayan Poems
Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat
No comments:
Post a Comment