Inday di ko hikalimtan ang dula tang balay-balay
Diin ikaw nanay-nanay ug ako sab ang tatay-tatay
Ikaw nagluto-luto samtang ako sa tubig nagkabo
Didto sa atong kwarto-kwarto di ko kalimot sa nahitabo
Ikaw kanako mitapad ug sa aping ko mihalok
Apan giwakli ko ikaw kay di ko maantos ang kagilok
Apan ikaw nasuko miingon ka nga kita mag-asawa
Wa gyud ko misugot kay sip-on mo pwerting luora
Imo kong gikibit kay pwerti nakong artiha
Ingon ka nga parayeg lang to ug kalit mikatawa
Apan ako nahadlok kay pwerti nimo bulingita
Mao to'y katapusan tang dula kay kami nanglarga na
Baynte ka tuig nilabay pwerti na nimong gwapaha
Aping mo nihamis ug pwerti nimong seksiha
Way lain ikasulti kundi 'kumusta ka?
Nagbasol nga sa balay-balay kaniadto wa tika pahagka. Bow!
By : Jun Abines
No comments:
Post a Comment