EROPLANO

Ania intawon
Sulod sa eroplano
Nagminghoy intawon
Nga walay reklamo

Ingon ang piloto
Di pa gyud makalarga
Kay airport sa Mactan
Pwerti daw trapika

Walay mahimo
Sa balak nagsulat
Kay akong ka gwapo
Gilaay pag hulat

Gwapang stewardess
Walay ikatabang
Sige lang ug pa kyut
Sa ako gi gwapohan. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

ADLAW NI NANAY

Karon ang adlaw sa mga Nanay
Nagpadako nag aruga nato kanunay
Unsay atong ikahatag aron siya malipay
Halok ug gakos nga tam-is pa sa kalamay

Kitang mga anak walay ikabayad
Sa iyang mga pag-antos hangtod kita nagka edad
Moabot ang panahon kita mahimong ginikanan
Iyang kasakit ug kahago atong matagamtam

Kalipay ni Nanay di lang sa Mother's day
Kundi kada adlaw nga nagbinuotan ta pirmi
Parayeg, gakos-gakos ug simhot-simhot
Maoy gikinahanglan sa dughan niyang nag hoot

Ug kung tigulang na gyud si Nanay
Iyang allowance ihatag gyud kanunay
Kung magpasagda ayaw sab kasab-i
Sa iyang mga gusto patuyangi

Ug kung si Nanay medyo dunay pagka luoran
Pasagdi nga iyang gusto matuman
Ug kung siya gi angu-angu na
Diha gyud masukod kung tinood ba atong gugma. Bow!

By : Jun Abines


Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat

NAG YAKA

Ania intawon nag yaka sa salog
Samtang sa gawas nag-ulan nag-dalognog
Walay mahimo kundi magpa-abot
Dinhi sa t8gnaw ug hoot nga airport

Tanan halos flight na-delay na-cancel
Mga empleyado sa airline lami hutdon ug pusil
Apan wa silay sala kay panahon nag daot
Pansenya kung intawon hapit na nahurot

Lami unta ikaon, lami palit ug kape
Apan pitaka ko way sulod kundi baynte
Pagkaon sa airport pwerti gyong mahala
Dimalas gyid ako kay pobre way kwarta

Way lain lingaw nia nagsulat ug balak
Aron di laayon sa eroplano paghulat
Maayo nalang dire sa airport daghan gwapa
Pawala sa kalaay baytamin sa mata

Naglagot na gyud di na kapugngan
Piloto ug stewardess pitlokon ko silang tanan
Pasayloa na lang ko dinhi rako kutob
Kay ako mubarog tiil ko nibikog. Bow!

-Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

UNSAY NAHIMO?

Unsay nahimo nga imo akong gibayaan? Gugma nga putli imo kang gipanamas-tamasan! Sayod ikaw pagbati ko kanimo nag uros-uros, Sa imong pagbati intawon ako nagpakalimos. Halos tanan kanimo ako nang gihalad, Wa ko maghandom nga ikaw kanako mangilad Kabaw kanding ug baboy halos tanan gi-ihaw, Aron sa mga silingan di ko nimo ika ulaw Kalubian ug kahumayan ako tanan gi prenda, Aron lang gyud makab-ot ko ang imong gugma Kapitan, mayor ug konsehal tanan sila mitabang Aron ikaw mosugot nga ako imong pakaslan Apan sa kalit lang ikaw kanako mibiya Wa ko kahibalo unsay nahimo nga dakong sala Kung di ka mobalik ayaw gyud pagmahay Kay ako maghikog sa sanga ka kamunggay. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

1

BUWAG!

Ayaw pagsalig sa imong ka gwapa
Kanang ngi-ad mong batasan palihug usba
Kay imong ka maldita di ko na ma antos
Gamay na lang ang kulang nga ako mamutos

Undanga na usab kanang imong pag selos
Kay imong mga pag duda walay pulos
Imongbsala nga namili ka ug gwapo
Wa man diay kaybsalig sa akong pagkatawo

Nag basolmako ning atong kaminyoon
Sa imong pagka tapulan wa ko maka uyon
Abi ko usa ikaw ka boutan
Usa ka man diay ka babayeng way hinungdan

Busa maayo pa kita mag buwag
Aron matuman kanang imong uwag
Papel ta sa kasal atong gision
Kay atong panag kuyog di angay padayonon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

LIMOS

Batang gamay nangayog limos
Taliwa sa mga sakyan nga nag haguros
Imong gi hatag ang sinsilyo
Aron mohunong sa pag purwesyo

Halangdon nga pari sa simbahan
Usa ka gatos imong gihalaran
Aron kuno mahidoul sa ginoo
Ang maong kwarta gigamit sa paring bisyoso

Bayad mong buhis sa goberno
Pila ka libo gi bawas sa imong sweldo
Wala ikaw mo reklamo
Bilyones gikawat sa mga politiko

Ablihi mga mata mo higala
Kung kinsa'y tinood nangawat sa imong kwarta
Kining atong nasud puno sa kagubot
Kay sa kamautoran daghan kanato wa kasabot.

Ni : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

MALIMBONGON

Inday ayaw gyud ko tintala
Kay di ko mopatol nimo ayaw katingala
Kay kining kasingkasing ko hiniktan
Sa gwapa kong uyab nga boutan

Inday ayaw ko pakit-a
Nianang hamis ug puti mong paa
Kay basin ako makalimot
Sa imong ka gwapa ug kahumot

Inday ayaw ko tutoki
Kay mahagit akong pagkalalaki
Kung ako mahinayak di ka makadepensa
Kay init ug lami kining akong romansa

Inday ako manamilit
Kay basin gugma ko kanimo mopilit
Kay basin kitang duha unya magbasol
Sa gugmang ginadili kita mi patol

Inday ayaw paghilak
Ayaw hawiri akong hawak
Kalimti na lang atong mga kagahapon
Nakigkita lang ko nimo aron ikaw pasayloon

Inday ayaw na paglaum
Kay nahibalo nako ikaw bakakon
Wala kay lain nga basolon
Kundi ang imong pagka malimbongon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat