Paborito kong dula ang tumba lata
Gamit ang tsinelas tunga sa karsada
Bahala ug pobre permi way kwarta
Basta kanunay kauban ang barkada
Kinahanglan gyud kusog modagan
Aron sa nagbantay dili maapsan
Ig-on ang lata sa imong tsinilas
Pwerting lingawa daghan singot moagas
Usahay mag-away di magkasinabot
Kay ang imong kauban kalit lang gisapot
Kay hinay modagan sige ma-igot
Nagbantay sa lata nga nag mug-ot
Singot ug sip-on namilit sa nawong
Kanunay pahiran sa senina nga lagum
Hantod maghapon di gyud moundang
Nagpaabot gukdon ug bunal sa ginikanan
Ang tumba lata di gyud hikalimtan
Tumang kalipay dinhi nahiaguman
Samtang bata pa kinabuhi pahimuslan
Kay pagdako daghay nagpaabot nga suliran. Bow!
By : Jun Abines
No comments:
Post a Comment