IHILAK

Ihilak ko na lang pait nga kapildihan sa tago
Kay wala guid mag bunga ang tanan kong kahago
Wala usab ako duyogi sa kapalaran
Sa delubyo ug panahon ako gi among-amongan

Unsay buhaton niining tumang kalisod
Hurot na akong paglaum wala na ko'y kusog
Nahutdan na kining kasing-kasing sa paglaum
Wala na'y kahayag makit-an bisan unsaon

Ipa-agi ko na lang ang tanan sa pag-ampo
Bisan ang mga pagmahay sa langit misangko
Padayon mokayod ug manginabuhi
Tanan pamaagi himoon di ko mopili

Ugma damlag moabot ang kalipay
Sa mga kadautan ako makalikay
Ugma damlag ako swertihon
Mga problema hinay-hinay kong sulbaron

Padayon ang martsa didto sa kaugmaon
Kung unsay nagpaabot sa abling dughan dawaton
Nahinaot nga sa di madugay makab-ot ang mga damgo
Kinabuhing malipayon ug maayo nga trabaho.

By : Jun Abines ( For Yolanda Victims)

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat