Akong pinalangga manok kong si Bakiki
Pinakaon ug ginahapyod matag adlaw'g gabii
Kay sa umaabot nga pista ako siya itari
Ipusta ko ang basakan, kabaw apil pa ang pisi
Pero mas paborito ko ang manok nga si Ugis
Bag-o lang nakabuno niadtong Abril baynte tres
Nanulong kami sa pista didto sa pikas lungsod
Tibook namong baryo miabay sa pusta ug nakadaug
Apan di ko gyud ibaylo ang kinakusgan kong si Balaw
Pwerti gyud moaway sa big time derby dili ikaulaw
Gihangyo ug singko mil kay gusto paliton sa Mayor
Ako mibalibad kay gisaaran na man ni gobernador
Di sab magpalupig ang manok kong si Tabas
Pwerti maka syapol ang mga bihag daw gi tigbas
Kontra namong manok hay brid ug gikan sa Negros
Gikulata ni Tabas gipadagan wa maka-antos
Pinaka maayo sa tanan ang manok kong si Pula
Duha pa katuig ang gibuno usa ka dosena
Gihangyo sa akong Asawa nga ihawon sa birtdi niya
Wa ko mosugot ako na lang gipa-ihaw ang baboy ug baka. Bow!
By : Jun Abines
No comments:
Post a Comment