Mangumpanya, mangumusta ug tam-is mopahiyom
Panumpa kaninyo tanan problema sulbaron
Abtik modiskurso ug tawong mapahiubsanon
Pusil ug kwarta daghan ko'y gitigum
Mga kontra hadlokon mga botante paliton
Himoon tanan aron magmadaugon
Di gyud papildi bahala'g manlimbong
Akong pagka politiko usa ka negosyo
Dagko ug kickback sa munisipyo ug kapitolyo
Pero mas dako gyud sa kongreso ug Senado
Apan di gyud malabwan pangwarta sa palasyo
Kami tag-iya sa atong gobyerno
Pulis ug sundalo kanamo motuo
Kriminal ug negosyante kanamo mosuburno
Aron mapadayon ilang krimin ug negosyo
Ayaw'g salig sa TV radyo ug peryodiko
Silang tanan kurakot sab nobenta porsento
Tanan nilang gisibya ayaw mo ug tuo
Daghan balita gipahumot ilang amo nga politiko
Kamong mga botante angay na mag-bag-o
Ang inyong botaran pili-on gyud pag-ayo
Ayaw pagbotar sa nanghatag ug kwarta
Gamita ang inyong utok ug konsensya. Bow!
(By : Jun Abines)
Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat
No comments:
Post a Comment