Ang dahon sa saging gikan sa langit
Aron sa mga pobre kini magamit
Kung kusog ang ulan pwede kini ipandong
Labi na sa estudyanteng way ikapalit ug payong
Kung sa halayong dapit kinahanglan ka mag balon
Dahon sa saging maoy iputos sa bulad ug kan-on
Magamit sab kini nga putos sa bod-bod
Aron nga molig-on sa kalayo kini ihawob
Dahon sa saging magamit sab nga plato
Paboritong gamiton sa budol-budol sa mga sundalo
Gigamit na sab kini sa mga sosyal nga restawran
Maoy himoon nga hapin sa plato ug sud-an
Dahon sa saging daghan gyud ug gamit
Sa klase-klase nga linuto ug mga painit
Ug kung ikaw nahibalo ug mituo niini
Tima-ilhan kana nga ikaw anak gyud sa pobre. Bow!
By: Jun Abines
No comments:
Post a Comment