Inday paminaw sa akong isulti
Gikapoy nako sa imong kaarti
Ayaw ko'g ingna nga wala tika gihigugma
Kay ang atong anak tunga na sa dosena
Kanang imong pagselos hununga na
Kay ang imong bana dili si Aga
Ayaw pag eskandalo maulaw ta
Atong mga anak ulitawo'g dalaga na
Hununga usab kanang imong pagyawyaw
Kay sa mga silingan ikaw nakatugaw
Ug sa sweldo ayaw ko kwentahi
Imong sala nagpakasal ka sa pobre
Mas maayo pa ikaw maligo ug magpa gwapa
Kay didto sa mall magpa bugnaw ta
Akong mid-year bunos nadawat ko na
Atong paghinigugmaay ipadayon ta
Ug nganong ikaw nikalit ug ngisi?
Siguro mituo ka sa akong gisulti
Ilad ra to, daghan pa tay bayranan
Kining mid-year bunos ibayad ta sa Indyan. Bow!
By : Jun Abines
No comments:
Post a Comment