Samtang kangitngit ug katugnaw naghari sa maong kabuntagon
Tuktugaok sa manok mao kanako ang mipukaw
Samtang ang kalibutan nag hagok sa kangitngit nga mamingaw
Sul-oton ko ang sweater nga karaan ug busloton
Gamiton usab ang paboritong sapatos nga baratohon
Daganon ko ang kadalanan sa walay pagmahay
Aron dagko kong bilbil mogamay sa hinay-hinay
Tohud kong way praktis medyo mikurog
Kalit sab midagook tiyan kong way sulod
Mao na kini ilhanan sa lawas nga nagkatigulang
Angay gyud panggaon ug angay nga ampingan
Samtang nag hangak nag lisod ug ginhawa
Ni minor ko ug dagan wa pay tunga sa milya
Dili angay kaliton ang lawas nga huyang
Kay kung atong pugson sa ospital kita mohayang
Dugay ko nang gikalimtan tag-as kong pangandoy
Kay lawas ko, dughan ko ug ang utok nabun-og sa ka kapoy
Kay pwerting lisora gyud mangita karon ug kwarta
Walay lain puhonan kundi maayong panglawas ra
Busa mobalik ako kung unsay importante
Ibalik ang kalagsik sa panglawas ug usbon ang diskarte
Unahon ang kaugalingon aron sa kaugmaon
Kay gagmay kong mga anak ngari kanako nag malaumon
By : Jun Abines / Visayan Poems
Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat
No comments:
Post a Comment