Ubos sa pagdumala sa mag-asawang Dr. Tamayo
Libre konsulta, admit, apil sab ang tambal
Kay kompanya sa mga empleyado tinood nagmahal
Pa admit dayon bisan gamay lang ang sakit
Paboritong nga halad tru-orange gyud ug biskwit
Mga nurse ug midwife tanan sab boutan
Way labot si Pat kay tudlo mo samaran
Pero hadlok gyud ko sa dekstros ug indeksyon
Kay ang lubot ug bukton sa dagum tusukon
Mga batang gagmay kinahanglan gyud gapuson
Kay kung mo-igwad ang bata mabali ang dagum
Sa stainless nga tray ihatod ang pagkaon
Mga pangalan sa pasyente gisulat sa karton
Pag gawas sa hospital botelya sa dekstrose pangayoon
Apil sab ang plastik hose kay sa pulseras himoon
Kami mga batang lalaki didto sab nagpatuli
Tumoy sa ihianan guntingon mosugot mi'g sa dili
Sul-uton dayon dakong T-shirt sa amahan
Pipila adlaw hawiran ang t-shirt nga mag kaang-kaang
Mga batang bag-o panganak masilib sa nursery
Pero dili pwede mosuroy didto sa morgue
Naa sab klinik dentista nga si doktor Jose
Ug telephone operator nga si niknik tam-is ug ngisi
Didto gawas hospital daghan sab ug butong
Mga batang ten-edyer ila kining kawaton
Daghan sab didto punoan sa kawayan
Mga bata manguha didto himoon ug luthang
Hadlok sab mosulod didto sa luyo
Kay dagkong mga iro ang musugat kanimo
Kung talawan ka ayaw didto pag-agi sa gabii
Kay duna daw di-ingon nato ug white lady
Kining tanan tinood ug dili bakak
Gisaysay nga kagahapon pinaagi sa balak
Kay ang Lianga Bay Hospital sirado ug guba naman
Apan padayon nga buhi sa akong panumduman. Bow!
By: Jun Abines
Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat
No comments:
Post a Comment