Pastilan kapait ning walay kadulog
Walay gakson ug simhoton sa dili pa matulog
Walay mutanday ug walay mogitik sa imong kilid
Walay katug-anan sa gibati wala sab moparayeg
Unlan ko intawon na bun-og sa akong gakos
Walay laba kong habol sa kabaho dili na maantos
Buslot kong mosketero sa lamok gipaso-paso
Lata kung banig usa katuig na nga walay baylo
Kwarto kong hugaw giabog ug walay silhig
Bulingon gipangsab-it kogmo bisan asa gipahid
Lawa-lawa bisan asa ok-ok pwerting daghana
Mao kini ang kwarto sa gwapo nga way asawa
Matag sweldo hubog sa gawas mabuntagan
Walay lain gi problema kundi bugas lang ug sud-an
Walay asawa magyawyaw wala asawa mangaway
Mao kini ang kinabuhi sa ulitawo sa kagawasan nag lipay.
By : Jun Abines
No comments:
Post a Comment