Bakasyon na usab panahon sa ting-init
Kada adlaw gamay lang panganod ug asul ang langit
Wala nay eskwela kabataan naglipay sa hingpit
Kay ang dula ug kiat wala na gyuy limit
Nindot gyud moadto sa mga isla
Mga nindot nga dapit mao gyud ang punterya
Ayaw lang pag inarte kay di man ka turista
Mag-antos sa banig ug mosketero sa parente o barkada
Paboritong destinasyon mao ang baybay
Uban sa barkada ug pamilya didto magpahayay
Panahon usab kini sa mga iring-iring
Dalaga'g ulitawo didto gyud magpahipi sa daplin
Syempre ang bakasyon panahon sad sa mga pista
Mga barkada gikan syudad maoy espesyal nga bisita
Di gyud mawala ang paboritong butong ug buko salad
Disgrasya sab ang manok bisaya kay mao gyud ihalad
Daghan sab malipay sa disco ug bayli
Kay mga gwapa ug gwapo magbaha gyud pirmi
Human sa bakasyon daghan gyud makauyab
Gugma sa probinsyano maoy balonon sa taga syudad. Bow!
By: Jun Abines
No comments:
Post a Comment