Kining kasing-kasing ikaw ang gipili
Sama ikaw sa bulak nga humot ug maanyag
Ikaw nagdala sa akong kinabuhi ug kahayag
Alang kanimo kab-uton ko ang langit
Sa kinatas-ang buntod pangalan mo i-singgit
Alang kanimo sawumon ko ang kinaladmang lawod
Ug sungsungon sa way kahadlok kinadak-ang balod
Tam-is mong gugma andam pakamatyan
Mga babag ug pagsulay dili ko atrasan
Kay ikaw ang babaye nga dili na malabwan
Puno sa kaanyag ug mga kinaadman
Kung ako imong dawaton di masukod akong kalipay
Ipanumpa ko kanimo nga di gyud ka magmahay
Unya manganak kita'g usa ka dosena
Kay atong kaliwat siguradong mga gwapo ug gwapa. Bow!
By : Jun Abines / Bisayan Poems
Gamay nga hangyo, kung ikaw na lingaw ug giganahan sa mga balak,
palihug ug click sa mga Ads ug Pahinumdom nga naa sa kilid.
Dako kini ug tabang kanako nga padayon mag sulat ug mga
balak bisaya. Salamat
No comments:
Post a Comment