Ako ang batang nasobrahan sa pagmahal
Gipadako nga hayahay wa makatilaw ug dagmal
Way problema sa kinabuhi pirmi dunay kwarta
Tanan kong gusto ginahatag ni Papa ug ni Mama
Sa balay kaon tulog ug duwa lang akong trabaho
Kay daghan man maid ug boy kanamo nag serbisyo
Way lain nahibal-an kundi tumanon ang gusto
Wa gyuy mulalis kay ako pirmi ang sakto
Wala koy rason aron maningkamot
Kay kwarta ni Mama ug Papa di gyud mahurot
Kung unsay pangayoon ihatag man dayon
Busa ang lakwatsa ug bisyo ako mipadayon
Karon nidako ako nga way pulos
Akong asawa ug pamilya maoy nag antos
Kay nidako ako nga way silbi
Sa sobrang pagpangga kaugmaon ko na pildi
By : Jun Abines
No comments:
Post a Comment