Inday dili ka angay nga magduda
Kay tinood ug putli kining akong gugma
Ikaw lang gyud ang akong higugmaon
Kini maoy pasalig hantod sa kamatayon
Alang kanimo mag sag-ob ako'g tubig
Ug sa uban babaye dili ko mobirig
Ug sa kahoy mag bugha
Himoon ko ang tanan kay ikaw akong pinangga
Yuta sa akong lolo singkwenta ektaryas
Mga kalubian dili maapas pag kopras
Kabaw ug baka pwerti gyud ka daghan
Wa pay labot naglawod lawod namong humayan
Kung ako imong sugton
Ugma dayon usa ka kabaw ihawon
Kung ako imong pakaslan
Akong Lolo akong tiwasan! Bow.
By : Jun Abines
No comments:
Post a Comment