Katkat sa mangga mga anak ko nga gwapa
Dula ug sakto samtang bakasyon way eskwela
Ayaw'g kahadlok nga mapiang o mahulog
Ang tinood nga kinabuhi dunay kasakit ug kalisod
Paak sa lapinig o hurmigas di angay mahadlok
Tilawi ang katol-katol sa sagbot ug mga tunok
Mao kana ang tinood nga kinabuhi
Usahay sa kasakit ikaw maka-ihi
Buhii ang ipad apil na ang tablet
Didto sa gawas magpasingot sa hingpit
Dagan bisag asa bahala madagma
Mapanggos maumod parti sa dula
Sa inyong amiga magbalay-balay
Himoa ang tanan apil na ang away
Magkinusiay mo ug magpalagotay
Tapos mag-uli ug mag sinabtanay
Wala sa eskuylahan ang tinood nga kinaadman
Kundi sa aktwal ninyo nga mga kasinatian
Busa paningkamot himoa ang tanan
Aron kamatuoran inyong masabtan. Bow!
No comments:
Post a Comment