KALIPAY

Dili masukod ang akong kalipay
Nga ania sa imong kiliran nagpa-uraray
Akong pahiyom abot sa dunggan
Kay akong mga bukton gihimo nimong unlan

Dili lalim akong mga paningkamot
Nga ikaw mahulog sa akong mga kamot
Daghan ko ug karibal sa imong gugma
Mga maayong laki kapin usa ka dosena

Di ko makatuo ako imong gipili
Sa mga kwartahan ug gwapo ikaw nag dumili
Kay imong nakita ang putli kong gugma
Ikaw gihalaran sa tanan ug gi-amuma

Mao kini ang giingon nga swerte
Aron maangkon ko ikaw ako nagkugi
Gugma sa dayon ang akong premyo
Kinabuhi ug gugma alang lang gyud kanimo. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

DUYAN

Hawid sa akong kamot akong pinalangga
Kay iduyan ko ikaw sa mahanoy ko nga mga pagpangga
Salig kanako nga ampingan ang imong gugma
Kay kining akong pagmahal kanimo talagsaon ug way sama

Ayaw kahadlok sa bisan unsang mga pagsulay
Kay sagopon ko ikaw sa mga kasakit ug dili isalikway
Gakos dire kanako ug hugot ayaw gyud pagbuhi
Kay ilupad ko ikaw sa kalipay, mosugot ka'g sa dili

Kalimti na tanan ang imong problema
Kay sulbaron ko ang tanan kung ako ma-imong bana
Hagki akong aping ug ngabil sa pinapilit
Aron tumang kalipay sa akong dughan mosirit. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AYAW PUKAWA

Ayaw intawon pukawa ang pagbati kong natulog
Kay nahadlok ako nga sa gugma mausab pagkahulog
Sakit pa intawon ang kasing-saking, atay ug batikolon
Kay na ilad kaniadto sa babayeng malimbongon

Palihug ayaw ko pakit-a sa mga tam-is mong pahiyom
Kay humok kong dughan sa maanyag dali lang maka uyon
Kung mahimo ayaw usab kanako pag paduol
Kay nag antos pa kining balatian sa kasakit ug kaguol

Gi abisohan ko na ikaw ayaw gyud ko'g basula
Kay kong ako mobalak sigurado ikaw kanako mahigugma
Ayaw ug katawa kay ako wala kanimo magkomedya
Kay basin kining akong ka-gwapo maoy mahimo nimong bana. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

NAHANAW

Daw sama sa aso gugma ko kanimo nahanaw
Kay karon nakaila na ako sa batasan mong hugaw
Imo ra diay akong gibiuanagan ug gi ilad
Gitago mo kaniadto mga kina-iya nga ngil-ad

Apan dili pa ulahi kanako ang tanan
Andam ako karon nga ikaw buwagan
Kay dili ako mag antos sa tibook kinabuhi
Sa imong kabakakon akong dughan nagdumili

Molayas na ako ug mamutos
Kay dili ko martir nga kanimo mag-antos
Bahinon ta kining anak tang usa ka dosena
Imo ang mga maot ug ako ang may hitsura. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BAYBAYON

Akong pa gihapon karon mahinumuman
Kitang duha didto sa baybayon nag-uban
Atong pangalan sa buhangin gisulat 
Sulod sa porma sa kasing-kasing daplin sa dagat

Apan kini gipapas sa mga gagmay'ng balod
Sapatos nato nabasa nangatawa kita'g kusog
Imong mga kamot akong gihawiran
Sa pitli mong gugma ikaw gisaaran

Apan karon usa na lang kadto kagahapon
Kay ako nang langyaw ug naabtan sa kaminyoon
Apan sa kasing-kasing ko ikaw ang nagpabilin
Sa kamingaw kanimo dughan ko nagpailin-ilin

Kung asa ka man karon hinaot imong mapasaylo
Imong gugma gisamaran ug sa asin gituslo
Dughan ko padayon nga nagbasol ug naghilak
Kay akong panumpa kanimo napakyas ug nabuak. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KAPALARAN

Didto sa dakong kahoy nga karaan akong gipatik
Ang pangalan sa babaye nga sa akong dughan gipitik
Ginamit ang hait nga tumoy sa kutsilyo
Aron dili kini mapapas ug modugay pag-ayo

Siya ang babayeng unang naibgan ug gimahal
Tungod sa dako kong gugma niinom ako'g bahal
Aron makahulam sa bino ug dugang kaisog
Aron itug-an ang gugma kaniya nga tuhod di mokurog

Apan di gyud matag-an ang mga panahon
Nahuman ang mga katuigan ako kaniya wa maka-ingon
Gugma ug pag dayeg kaniya padayon nga gisekrito
Hangtod sa halayong mga dapit ako niadto

Gibati ko kaniya padayon nga buhi
Akong kasing-kasing siya lang ang gipili
Apan wala ako'y kaisog isulti kaniya ang tanan
Dili siya alang kanako maoy desisyon sa kapalaran. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

GIMINGAW

Gimingaw ako sa tam-is mong mga halok
Kalami simhoton puti ug aslom mong ilok
Kalami pisliton gagmay mong mga bil-bil
Samtang gipaak mga pula mong ngabil

Gimingaw ako nga ikaw tandayan
Samtam na hapyod-hapyod sa imong tiyan
Kasing-kasing ko pas-pas gyud mopitik
Samtam sa kalipay imong kong gigitik

Ikaw lang gyud ang akong ginadayeg
Wa nay makalabaw sa imong mga parayeg
Tungod kanimo ania ako nang langyaw
Busa ntoson ko na lang ang mga kamingaw. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

IKAW ANG PANGANDOY

Pangandoy ko ikaw sa kinabuhi
Apan ang panahon kanako nag dumili
Tungud kay dili ko ikaw kaya makab-ot
Sama ka sa bitoon, ako ang sagbot

Himoon ko ang natan alang kanimo
Isugal ang kinabihi, dungog apil ang anino
Kay ikaw lang gyud ang bugtong kalipay
Alang kanimo andam ako magpakamatay

Palihug intawon ayaw ko talikdi
Kay daghan pa ko gustong isulti
Ikaw ang naa sa huna-huna pirmi
Pinirisong pagbati ikaw lang makalibre

Hinaot nga imo akong paaboton
Himoon ko ang tanan di ko ikaw pakyason
Kay ako usa lang nimo ka ulipon
Ikaw ang pangandoy ug inspirasyon. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KLASMET

Nalipay ko nga nagkita ta
Medyo nausab na gyud atong mga hitsura
Ikaw ni gwapa ug ni seksi na
Ako usab na macho ug pwerting gwapoha

Ikaw naay kotse ug malipayon
Ako way trabaho ug pobre gihapon
Apan ako kanimo dili maulaw
Kay sa akong mga klasmet ako gimingaw

Atong hisgotan ang kagahapon
Sa matag exams imo gyud kong pakopyahon
Kanimo pwerte nako ka ibog
Apan sa pagtug-an sa gibati wa ako'y kaisog

Kanindot hisgotan atong mga titser nga boutan
Apil na usab kadtong titser nga gikahadlokan
Parte na sila sa atong mga kagahapon
Tungod kanila kita nag malamposon

Atong ipadayon atong pagkahigala
Tungod kay way lain magtinabangay kundi kita ra
Maghugpong kita aron sa mga kaayohan
Kay kita ra gihapon ang mabolahan. Bow!

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BISDAK

Ipasigarbo sa tibook kalibutan nga ikaw bisaya
Nag gikan sa paraiso ug bahandianon nga yuta
Puno sa sidlak sa adlaw ug lugar sa mga malipayon
Gikaibogan sa mga langyaw tungod sa nindot nga talan-awon

Ayaw sab ikaulaw ang kaugalingon mong pinulongan
Kay tibook nimong pagkatawo dinhi tanan nag gikan
Ayaw usab itago imong abilidad ug talento
Usa ikaw usa ka bisaya anad sa bisan unsang engkwentro

Panahon na aron gamiton ang mga pulong
Bisan atubangan sa mga langyaw aron kita respetaron
Nga kita naggikan sa lugar nga sama sa paraiso
Boutan, mapahiubsanon, simple ug mga edukado

Bisag asa ka masaag ipakita ang abilidad
Mga banggiitang bisaya dili gyud molubad
Kay ikaw naggikan sa talentado nga tribu
Ang mga bisaya maoy kinabag-an sa nga Pilipino

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AYAW TAMAYA

Ayaw tamaya kining ilong kong pislat
Ayaw'g tamaya kining mata kong lagat
Ayaw'g kataw-i kining baga kong ngabil
Ayaw usab tutuki ang nag bitay kong bilbil

Hinoon dawata kining putli kong gugma
Ug palihug siliba baga kong pitaka
Sakyi usab ang nindot kong awto
Kay sa akong mansyon kita mangadto

Kalimti na kadtong uyab mong gwapo
Kay daghan to'g uyab ug pwerti ka palakero
Kung ako ang imong pilion pakaslan
Ikaw panggaon ang paga silbihan

Busa Inday huna-hunaa
Kining akong hitsura ayaw tamaya
Kay kasing-kasing ko bulawanon ug puno sa gugma
Kining maot kung nawong ayaw nalang panumbalinga.

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

TABANOG

Kalipay ko kaniadto magpalupad ug tabanog
Sa kainit sa adlaw way kahadlok mga panit masunog
Didto sa hawan sige ako magdagan-dagan
Mga huyop sa hangin akong gipailin-ilinan

Gamit ang papel nga dyaryo ug tukog sa silhig
Sa nipis nga tanod ni nanay tabanog ko gisalig
Kahinam sa akong kasing-kasing wa gyud milubad
Himoon ko tanan aron tabanog ko molupad

Una kong tabanog dakong kapakyasan
Di mao ang balansi ang desenyo dautan
Mitakilid, mituyok ug dayon misawom
Imbis padulong sa kalangitan, sa yuta mipaingon

Ikaduha kong tabanog nasangit sa poste
Kay pitsido ang lugar sayop akong diskarte
Ikatulo kong tabanog nakalupad gyud intawon
Apan pisi na bugto tabanog ko misawom

Apan wa ako nagpapildi sa mga kalisdanan
Sa pahimo ug tabanog wa gyud ko miundang
Niabot ang panahon sa tabanog ako na eksperto
Daghan koy namauhan nga bisan unsang desenyo

Ang pagpalupad sa tabanog adunay pamaagi
Atubangon gyud ang hangin birahon ang pisi pirmi
Matag huyop sa hangin kini opurtunidad
Bihahon ug tugutan ang pisi aron motaas ang lupad

Salamat akong tabanog sa mga pag tulun-an
Ako nidako nga adunay abilidad ug kinaadman
Ang pag himo sa tabanog usa ka pagsuway
Kinahanglan molupad kini aron kita malipay

Ang atong kinabuhi sama sa tabanog
Mga hangin sa pagsuway sugaton nga dunay kaisug
Pisi sa diskarti ug kakugi angay nga tugotan
Aron molupad pataas padulong sa kalamposan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

PINAY

Dalagang Pilipina di ko gyud ikaw ibaylo
Sa akong mga mata ikaw ang babayeng perpekto
Dili ikaw luspad ug dili sab lagum
Sakto imong pamanit ug nindot gyud tan-awon

Imong ilong di pislat ug di sobra ka taas
Wala sab kay anghit ikaw humot sama sa gatas
Apan usa gyud ka butang ang dili ka malabwan
Ang imong pagka mapinanggaon ug nindot nga batasan

Dalagang Pilipina swerte imong mabana
kay ikaw kugihan ug abtik sa kusina
Swerte usab kaayo ang imong mga anak
Kay ikaw andam moantos ug andam moaagak

Moabot ang panahon ako mangasawa
Sigurado gayod nga pakaslan ko usa ka Pilipina
Apan ako naguol kay daghan nako ug karibal
Bisan mga lalaking langyaw nahibalo na nga ikaw espesyal. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

NAG UROS-UROS

Kining gugmang kung nang uros-uros
Di ko ipabuhagay kanimo basin ka maburos
Ako na lang gyud kining gipugngan
kay dili pa ko andam mahimong ginikanan

Taas pa kaayo ang akong pangandoy
Nia pa ko sa tunga-tunga layo pa ang tumoy
Busa kining akong gugma kanimo gipugngan
Kay di pa ko andam nga ikaw pakaslan

Apan usa lang ako ka tawo
Walay igong kaligdong pagbalibad kanimo
Busa gihangyo ko ikaw nga kanako palayo
Kay sa imong kahumot mura ako'g ma ungo

Atong paaboton nga ako molampos
Aron sa kinabuhi di kita mag-antos
Kay akong pangandoy kinabuhing hayahay
Aron atong paghinigugmaay tinood nga mag dugay. bow!

TAMBAL

Inday paminawa kining akong balak
Tambal kini sa kasing-kasing mong naghilak
Kasakit mong gibati ipasalig kong mawala
Ikaw makakatawa ug mohalhal imong dila

Pero adunay koy hangyo sa di pa ko mopadayon
Palihug intawon pahiri kanang nagtabisay mong sip-on
Ug kung pwede sab palihug intawon pang lilam-os
Kay di ganahan sa babayeng bulingit gusto nako'g him-os

Pero mas maayo gyud hinoon kung ikaw maligo
Kay dunay koy nasimhot nga aslom-aslom ug baho-baho
Ug mas nindot pa gyud kung ikaw manudlay
Kay di ko makabalak nag tan-aw sa bubok mong nagbuhagay

Kining akong balak alang lang gyud kanimo
Di mo kini makit-an sa bisan asa nga libro
Kining tanan nga pulong pulos gyud orihinal
Kay sa pagkatinood dugay ko na ikaw'ng gimahal

Ania ako karon sa imong kiliran
Aron ikaw pakataw-on ug pagabalakan
Kay di ko makaya tan-awon ka nga nag antos
Kining gugma ko kanimo lunsay gyud ug bug-os

Andam ka naba maminaw sa akong balak?
Siguradog kong malingaw ka di gyid ni bakak
Sa di ko pa sugdan aduna koy gustong hangyoon
Sa kandiison mong aping ako imong pahagkon. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

BUKID

Pangandoy ko nga mopuyo didto sa bukid
Sa gamay nga payag ako magligid-ligid
Samtang gihuyop sa bugnaw nga hangin
Mga problema sa kinabuhi sa syudad ko ibilin

Mag tanom ako'g daghan kamote
Saging, lagutmon ug mga kalibre
Biyaan ko ang syudad ug ang trabaho
Kay gikapoy nako sa gamay nga sweldo

Sa bukid ako magpayahay
Huni sa mga langgam maoy kalipay
Presko nga hangin akong tagamtamon
Mga kahoy ug prutas akong itanom

Di nako kinahanglan mag antos
Sa kinabuhi sa syudad nga walay pulos
Sige lang kayod nga walay asenso
Wa pay batasan salbahis ko nga amo

Ang problema kung asa nga bukid ako moadto
Didto sa amo sige gyera rebelde ug sundalo
Wa na sab mga kahoy ug mga kahayopan
Kay sa illegal loggers kini giupawan

Mag unsa na lang ang bag-ong henerasyon
Wa nay kabukiran silang paga adtoon
Tungod kay ang tanan wala magpakabana
Kabukiran nahanaw na ug nawala. Bow!

By : Jun Abines

LIBRO

Di ko interesado sa libro
Lisod basahon ug baga kaayo
Dili ko kasabot kay ang sulod inenglis
Gipas-an kada adlaw sapatos ko nahilis

Ambot unsay pulos aning eskwlehan
Gipamulong sa titser di ko gyud masabtan
Apan ingon ni nanay magkugi gyud eskwela
Aron kuno sa kapobrehon haw-ason ko sila

Ania nag antos aron makat-on
Nagbasa ug libro nga lisod sabton
Ambot nganong halos way libro nga bisaya
Siguro tanan nag malamposon sa Pilipinas nibiya

Halos tanan Pilipino gusto abtik mag iningles
Tanan gusto mo abroad naghikay ug papeles
Kining lugar nga natawhan gusto nilang biyaan
Kay kining kunong atong lugar puno sa kalisdanan

Alang kanako pag-abroad di maoy solusyon
Pag tul-id niining nasud ako kining obligasyon
Mga kawatan kriminal angay nga presohon
Aron maundang na kining lawom nga kurapsyon

Ang plano magsulat ug libro
Binisay-on pagsulat aron masabtan pag-ayo
Nga ang hinungdan sa kalisdanan mao ang atong lederato
Nga naa sa malakanyang, senado ug kongreso. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

AKONG PILION

Kung ako ang papilion
Sa kinabuhi o sa kamatayon
Mas pilion ko ang ang kamatayon
Kung ako dili mo sugton

Kung ako ang papilion
Sa gugma o sa kwarta
Mas pilion ko ang kwarta
Aron paliton ko ang imong gugma

Kung ako ang papilion
Sa langit o sa impyerno
Mas pilion ko ang impyerno
Basta maoy sugo nimo

Kung ako ang papilion
Sa kagawasan o sa prisohan
Mas pilion ko ang prisohan
Basta ako imong pakaslan

Kung ako ang papilion
Sa kalamposan o kapakyasan
Mas pilion ko ang kapakyasan
Basta ikaw ang hinungdan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

PANGANDOY

Pangandoy ko ikaw daw bitoon
Taas kaayo ug lisod kab-oton
Pangandoy ko ikaw magakos ug mahagkan
Bisan intawon sa mga damgo man lamang

Kanako ikaw dili motan-aw
Kay ako ubos sama sa hugaw
Ako intawon wala mo tagda
Kay dili ko dato o walay hitsura

Apan alang kanimo himoon ko ang tanan
Ug sa gugmang putli ikaw halaran
Kantahan ko ikaw ug balakan
Hangtod mo homok ang imong dughan. Bow!

By : Jun Abines

USAHAY

Usahay akong mahinumduman
Ang kagahapon nga atong giagian
Gugma sa usag-usa atong gipugngan
Aron tumanon ang mga pangandoy sa ginikanan

Usahay aduna ako'y pagmahay
Nganong gugma ko kanimo wala gipabuhagay
Ania ako adunahan ug nag malamposon
Apan ang imong gugma wa ko gyud naangkon

Usahay ako adunay pag basol
Nganong naminaw sa tambag ug mga solsol
Tinood nga nakab-ot ko na ang tanan
Apan naghilak ang kasing-kasing kay sa gugma mo nawad-an.

By : Jun Abines

KUNG PWEDE

Kung pwede pa lamang sa kagahapon mobalik
Akong popho-on ang mga panahong nausik
Aron tanan oras ug panahon ihalad ko kanimo
Siguroon ko nga ikaw matagbaw ug walay reklamo

Apan karon ulahi na ang tanan
Walay mahimo kundi dawaton ang kapalaran
Ikaw ug ako di pweding mag hinigugmaay
Sa atong relasyon tibook kalibutan wa mo angay

Unsaon ta man ulahi kitang nagkita
Pareho kitang naminyo ug dunay mga bata
Busa mas maayo pa nga kalimtan ta ang tanan
Ilimod ang atong pagbati ang mga obligasyon barugan. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

DONT ENGLEYS ME!

Dont engleys mi!                       (Ayaw kog ininglise)
Aym nat skul                              (Kay wa ko naka eskwela)
Aym gowing gwaba                (kay namayabas man ko)
Aym poling in grid wan         (Nahagbong ko pagka gade 1)

So plis stap engleys mi        (Palihug undangi na imo ininglis)
Or aym payt yo                          (Kun dili mag away gyud ta)
Yo dont kraying ok!                  (Ayaw gyud paghilak)
Yor hed is ston                           (kay gahi kaayo ka'g ulo)

Aym respek yo                        (Gi respetar tika)
Bat yo is not hering mi        (Pero di gyud ka maminaw nako)
So aym baks yo                      (Maayo pa sumbagon tika)
Dont kray ok!                          (Ayaw gyud ug hilak ha!)

By : Jun Abines

DER MARIYA

Dis powem is dedikesyon to yo
Aym konpesyon naw dat may lab is tru
Plis do nat be asyemb an dont angri mi
Ay bilib anesti is da bist palisi

I nyu dat yo olso layk jose
Bat ay hop yo wil tsos mi
Bikus ay am mor inteledyens
Ay am olso big eksperyens

Ip yo se yes to mi ay meri yo
Ip yo se no i pel blu
Olwis remimbir my lab is tru
Yor most labing admayrir nemb Pedro. Bow!

By : Jun Abines

KARGADOR O ESTUDYANTE?

Kada adlaw magsakit akong boot
Magtan-aw sa mga batang estuyante nga nangabuktot
Kada adlaw gibitbit nga libro usa ka tonelada
Nahimong kargador imbis nga nag eskwela

Asa na man ang diskarte ug praktikalidad
Sa mga eksklusibong eskwelahan ug unibersidad
Angay ba gyud bitbiton tanan libro matag adlaw
O basin dunay paagi aron mga bata di matugaw

Nag eskwela kita aron mosayon ang kinabuhi
Gamiton ang utok sa diskarti aron trabaho madali
Giimbinto mga teknolohiya aron gimbuhaton mogaan
Mura man hinoon ug walay utok atong mga eskwelahan

Naa pay mga titser magpadalag mga asaynment nga lisod
Bisan mga propesyonal di makatubag ug di maka solb
Imbes mi eskwela aron naay mahibaloan
Mura na man hinoon gisilutan estudyante ug ginikanan

Kung kini nga mapaagi magpadayon
Atong nasud didto sa basurahan puniton
Kay imbes moabante paatras naman hinoon
Kay kita wa misupak sa mga pamaaging salawayon

Baynte kilos nga libro bitbiton sa gred wan
Kinahanglan ug maid ug kaugalingong sakyanan
Aron maka eskwela ang mga kabataan
Moundang na lang ug trabaho ang mga ginikanan.

By : Jun Abines

PANTSING BAG

Aping mo ug mga ngabil intawon nanghubag
Kay sa boutan mong bana gihimo kang pantsing bag
Hantod kanus-a man gyud ikaw mag antos
Biyai kanang demonyo, mas maayo pa mamutos

Wa ka gipadako aron lang kulatahon
Makakita pa kag lain nga laki kanang dili buluyagon
Nganong mag antos ka man sa bana nga mangulata
Ikaw ra ang mabasol nganong nakigpuyo ka pa

Ayaw gamita nga rason ang inyong anak
Kaya nimo silang buhion dili kini bakak
Nabuhi man gani mga buta ug mga pungkol
Ikaw pa hinoon nga kompleto, adunay ikasukol

Pangayo ug tabang sa goberno ug parente
Aron ang pagkulata kanimo dili mag permanente
Ipa preso gyud kanang bana mo nga buang
Aron didto sa prisohan siya na sab kulatahon ug ma tagam. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

NAMAYABAS

Dako gayud akong pagmahay
Nga wa motuo sa tambag ni nanay
Sa pag eskwela sige ko ug ekyas
Sa akong kurso wa ko mi tiwas

Ambot di gyud mapugngan ang lakwatsa
Sigeg inom kuyog ang barkada
Ako sab uyab pwerting gwapaha
Ako gyud nabuntis ug gipangasawa

Ania nag lisod sa kinabuhi
Kay mga kompanya pwerti mopili
Mga gradwado lang ang ilang dawaton
Ang walay diploma isnabon lang intawon

Kanindot unta mobalik eskwela
Apan adunay anak ug dunay asawa
Ako silang pakan-on matag adlaw
Kinahanglan mokayod sama sa kabaw

Ulahi na gayud ang pagbasol
Sa akong kamaldito ako nanghinolsol
Akong mga anak maoy paglaum
Himoon ang tanan aron paeskuylahon. Bow!

By Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat