Ania naglingkod daplin ning baybayon
Nag inusara nag hinuktok lang intawon
Walay kauban kundi beer ug teleskopyo
Lingawon ang pagbati nga hapdos kaayo
Tin-aw nga tubig kanako nangdani
Bugnaw nga hangin nag huyop pirmi
Halos walay panganod ang mahayag nga langit
Init sa adlaw mamaak gyud sa panit
Apan dughan ko wala gyud malingaw
Kay sa pamilya ug hinigugma ako gimingaw
Kay ania man ako sa halayong dapit
Nangita'g panginabuhi nag antos sa hingpit
Kanus-a pa kaha ako ma dato
Kapobrehon wa gyud malooy dire kanako
Tibook kinabuhi wa nakatilaw ug hayahay
Wa pa makatagamtam ug tumang kalipay
Apan bisan pa sa tanan kalisdanan
Padayon ako maghimog balak alang sa tanan
Kung akong kapalaran mao ang kapakyasan
Wala koy mahimo kundi dawaton ang tanan. Bow!
By : Jun Abines
No comments:
Post a Comment