Itlog and pamahaw ning pobre nga gwapo
Bisan gi unsa'g paningkamot wa gyud moasenso
Unsa'y pulos ning nakahumann ka'g kurso
Kung sweldo sa pinas barato gyud kaayo
Gikan pa sa elementarya ang sud-an itlog
Espesyal na kini kaniadto kaming magsoon mag-ilog
Usa ka itlog pritohon laparon aron modaghan
Bahinon kaupat aron maapod sa tanan
Wa ko magdahom itlog gihapon hangtod karon
Uyab kong dato gibiyaan kay ako mapagarbohon
Akong gi imadyin kung kami nagkadayon
Siguro akong sud-an hotdog ham ug bacon
Apan sa tinood wa ko magbasol
Unsaon ang lami nga sud-an kung ikaw puno sa kagool
Mas maayo pa mag antos sa itlog kada adlaw
Samtang ang dughan ug huna-huna puno sa kalinaw. Bow!
By Jun Abines
No comments:
Post a Comment