PAMAHAW

Dili espesyal kining akong sud-an
Gagmay nga isda gipaksiw inun-unan
Ambot unsay nakaon sa akong kauban
Nilagum ang isda kay iya man gitoyohan

Wa ko'y mahimo kundi mokaon
Kay didto sa planta daghan pay trabahoon
Dili ko pwede nga mag inarte
kung mapasmo kaugmaon sa anak mapildi

Aniay pay iring nga samukan
Gusto makigbahin sa akong sud-an
Kalami uroy niyang sikaran
Pero nahadlok sab ko basin gabaan

Kining akong bola nahilis na
Pero akong bilbil naglaylay pa
Gikapoy na gyud ko ug ensayo
Kay nangandoy intawon nga mubalik ug macho

Mao kini kinabuhi sa murag ulitawo
Nag antos sa trabaho nga walay asenso
Kalipay intawon maghimo ug balak
Kay sa magmokmok sa kilid mag sige'g hilak

Kadugay sab moabot sa akong swerte
Babaye nga gwapa, dato ug dili arte
Aron kada pamahaw iya akong lutoan
Sa paborito kong itlog, sinangag ug ham. Bow!

By : Jun Abines