DROGA

Sayon lang karon mopalit ug droga
Adunay pusher nga namaligya sa matag eskena
Tanan nahibalo apil ang mga pulis
Apil konsehal, si kapitan, si mayor ug uban opisyales

Drug lords ug drug pusher di gyud madakop
Kay ang ilang koneksyon miabot sa atop
Kung madakpan ugaling dali ra maka pyansa
Padayon ang negosyo daghan nag bahin sa ganansya

Milyon nga mga kabataan sa syabo nisuyop
Walay nagpakabana sa mga binuhatan nga sayop
Ambot unsay kaugmaon sa mga batang adik
Sa prostitusyon ug kriminn mosulod nga way pagbalik

Kinsay mosulbad ani nga problema?
Kung ang mga tinugyanan na buta sa kwarta
Walay kaugmaon ang atong mga anak
Kung droga ug adik sa dalan nag latak

By : Jun Abines