HUMAYAN

Hantod karon di ko gihapon hikalimtan
Una natong panagkita didto sa inyong humayan
Usa ako sa mitabang ug pag pang-ani
Ikaw naglikod lang imong paa sama kaputi sa bani

Nagpasumangil ako moinum ug tubig
Miduol kanimo ug medyo mibirig
Imong nakita ang akong ka gwapo
Kalit kang mipayom dayon ug panapo

Nanguta kanimo pwede bang mamisita
Ikaw mihonghong imong mommy estrikta
Busa nagsabot kita sa gabii magkita sa humayan
Aron tam-is kong mga balak imong madunggan

Sukad niadto kita nagkasinabot
Hangtod sa ubang lugar kita niabot
Hangtod karon wa ako magmahay
Kay hantod karon ikaw nia sa kiliran kanunay. Bow!

By : Jun Abines