Karon akong birtdi mao nga walay trabaho
Kinahanglan mga pulis mag martsa apil mga sundalo
Dako kini nga selebrasyon tibook nasod tibook goberno
Tanan opisyales ug presidente kinahanglan gyud mosaludo
Tungod kay akong birtdi kung motrabaho ka doble ang sweldo
Mga kabalayan ug sakyanan mag bitbit gyud sa bandilang Pilipino
Tanan dagkong parke, plaza apil pa luneta akong pasirad-an
Kay espesyal ang akong adlaw mag malipayon gyud ang tanan
Mga tanke de gyera pabuthon mga eroplano paluparon
Tungod kay atong nasud dunay demokrasya ug gawasnon
Mga dagkong opisyales kinahanglan gyud mag barong
Didto sa entablado palinyahon ug pabarogon
Syempre di mawala mga banda ug trumpeta
Tanan gyud moapil ug martsa sa espesyal nga parada
Kay natawo na ang pinaka gwapo ug pinaka bida
Ang balaknon nga si Jun Abines, ubos ninyo'ng higala. Bow!
No comments:
Post a Comment