KAUGMAON

Unsay kaugmaon niining pinalanggang nasud?
Kung sa matarong ug kamatouran walay isog mobarog
Kaugalingon, pamilya ug higala ang giuna
Iya-iya ug paningkamot nga mohayahay ug maka kwarta

Kitang mga Pilipino sa paghiusa ug pagtinabangay nag dumili
Sa atong ekonomiya mga langyaw na hinoon maoy nag hari
Kay sila nagtinabangay ug kuyog nga nag kugi
Samtang kita taga dinhe nagpayahay pirme

Atong mga lider kasagaran kawatan
Kita ra a g mabasol kay ato silang gibutaran
Sila maoy naghurot sa kwarta sa kaban
Maoy nga nag antos ug samot ang mga katawhan

Ambot unsay solusyon ani nga problema
Kung walay mosakripisyo ug walay modisiplina
Kasagaran maayong laki nang abroad na
Sa halayo nga dapit nag paulipon aron maka kwarta

Wala sab ko'y nahimo di ko mamakak
Mao nga naningkamot makahimo ug balak
Aron sa hinay-hinay kitang tanan maka amgo
Kaugmaon sa Pilipinas naa sa kamot sa Pilipino

By : Jun Abines