Daghan kanato ang konsentidor
Sa atong nasud kita ang tinood nga traydor
Basta sikat ug kwartahan atong amigohon
Atong gihuna-huna pangwarta lang ug kaugalingon
Drug lord o smuggler wa kita'y gipili
Basta dunay kwarta mag lisod ta pag dumili
Sa daynastiyang politiko kita moluhod
Sa dautan nilang binuhatan kita mosunod
Atong gipanghambog atong mga koneksyon
Mga balaod ug proseso gusto natong tuison
Kay kuno lagi kita hawod ug importante nga tawo
Gusto kitang tahoron ug permanenti gyud sakto
Huwes, piskal, pari ug kapulisan atong amigo
Pwerti natong sikata kay lagi kita ilado
Bahala ug sayop matuman gyud ang gusto
Kay nagsalig sa kwarta, koneksyon ug gwardyang armado
Kung kitay pasultihon way problema ang nasud
Kay kita man ang hayahay, bahala ang kadaghanan nag lisod
Kita ang rason nganong daghan ang nag antos
Kitang mga konsentidor sa atong nasud walay pulos.
By : Jun Abines
No comments:
Post a Comment