Pagka nindot mabuhi nga adunay kayahag
Makita ang saktong dalan dili kita madam-ag
Ato usab matagamtam ang palibot nga maanyag
Mga problema ug kahiwian ato gyud masulbad
Apan luyo sa kahayag adunay usab kangitngit
Daghan dili makita mahadlok ka sa hingpit
Mga ngil-ad nga butang ug mga dautang binuhatan
Wala kay mahimo kay di mo man sila makit-an
Ang kahayag sama kini sa kamatuoran
Ang mga dautan mabisto dali ra gyud makit-an
Apan ang kangitngit sama sa usa ka dakong bakak
Daghan maayong tawo ang gilupig ug gipahilak
Busa manamin kita ug tan-awon ang atong hulagway
Andam ba kita sa kahayag o sa ngitngit lang angay
Walay lain makatubag niining dakong pangutana
Kundi atong kaugalingon ug ato mismong konsensya. Bow!
By: Jun Abines
No comments:
Post a Comment