BOY SA MADRE

Ako usa ka boy sa madre
Didto sa Baan kwatro Butuan City
Pwerti ka dako ilang kombento
Tungod kay pobre ila ko gipa trabaho

Boy sa adlaw estudyante sa gabii
Tungod sa pangandoy nag-antos nag kugi
Kauban ko si Raul, si Dodon ug si Ali
Pulos ulitawo way kabilinggan sa kinabuhi

Akong trabaho mag tugway ug baka
Mag sag-ob ug tubig, mangguna mag bugha
Magbulad sa humay ug manglimpyo kasilyas
Human paniudto sa dagkong kaldero manghugas

Sa daghang trabaho wa ko'y reklamo
Kay lami ang kaon ug ang pahuway eksakto
Matulog alas otso ug mobangon alas saes
Pero usa ka ektarya ang lampasohon matag adlaw sa byernes

Akong amo si sister Tits ug sister Ann
Silang duha sa kumbento maoy nagpadagan
Hinoon bisag kausa wa gyud ko nakasab-an
Kay ako usa man ka batang buotan

Pero mga madre wala mahibalo
Kami nga mga boy dunay pagka maldito
Kung dunay bayli kaming tanan mangadto
Mag-inom panagsa maoy among sekrito

Usa ka gabii kami gipareglahan
Sa among upat ako ang wala kadagan
Gikulata sa mga maldito sa dos por dos gibunalan
Maayo na lang kay wa gyud tawon ko nakuyapan

Baynte sinko na katuig ang nilabay
Pagka boy sa Madre wala ko magmahay
Kay kini usa ka buhing handomanan
Sa balak giptik aron dili malimtan. Bow!

By : Jun Abines