BALAK SA GWAPO, BOW!

       Gwapo ko dili sa pag panghambog
Bisag asa ko paingon daghan babayeng maibog
Bisan minyo nga babaye kanako mototok
Labi na mga mahuyang di gyud mamilok

Ayaw ko basula kong daghan ko'g uyab
Lisod mobalibad kung gwapa na modasmag
Daghan magpa cute with thier beautiful eyes
Ilang gibati kanako ni gyud nila i- disguise.

Unsay akong himoon aron magmalipayon
Makit-an ang babayeng angay gyud sa kaminyoon
Daghan mga babaye magpaila gyud mga boutan
Pero ang tinood ngil-ad diay'g batasan

Nia pay mga lalaking nga maot ug nawong
Masuya kanako ila gyud kong hadlokon
Sa gwapa nga babaye di ko nila paduolon
Kung di ko motuo ila daw kong tablahon

Naa sab mga matrona sige magpabantang
Kwarta ug regalo sige ko nila hatagan
Wa koy ikabayad kundi pahiyom lamang
Dip-ig ug hapyod maoy ilang gilauman

Unsa kaha mag artista na lang ko
Basin sa mga action star ipakulata ra ko
Kung swertihon ma leading man ko ni Anne Curtis
Aw dugay ra usa ka buwan nga di siya mabuntis

Pag tan-aw ko sa samin ako nahibolong
Di diay ko gwapo nasubrahan lang sa ilimnon
Sakit sa akong dughan nawala na hinoon
Kay gi gibasted man ko sa babayeng taga Diatagon. Bow!

(By: Jun Abines)

NAIBOG, BOW!

       Naibog ko nimo wa ka ba nahibalo
Adlaw'g gabii ikaw lang ang ginadamgo
Gugma kong gibati di na gyud mapugngan
Sama na kini sa mobuto nga bulkan

Unsaon pagsulbad dako kong problema
Lisod kang doulon esnabira pud ka
Sige lang pa sexy misamot ka gwapa
Hitsuraang mga lalaki kanimo naglinya

Kinahanglan gyud mangita ko'g paagi
Dili pwede nga magsalig lang ko sa swerte
Modiskarte gyud ko ug maningkamot
Kung maadto ka sa lain ako ray maalaot

Apan unsaon man nako pag-ilad kanimo
Nga di man ko macho ug di sab gwapo
Alangan man sab tutukan tika'g kutsilyo
Lisod na madakpan imo ko ipapreso

Siguro maayo nga ipa-agi ko sa balak
Mga pulong nga ligdong ug nindot nga bulak
Basin sab pwede ipaagi ko sa kanta
Aron lang maangkon tam-is mong gugma

Unsa pud kaha padad-an tikag "lab leter"
Di kaha imo lang kini i-return to sender?
O kaha didto ko sa inyo mangharana
Di kaha itsahan lang ko nimo'g arinula?

karon nahibalo nako unsay angay buhaton
Bahalag masuko ka ikaw ako gyung doulon
Salig sa kaugalingon ug tinood nga pahiyom
Lingawon ka, pakataw-on ka, ug higugmaon sa hilom. Bow!

(By: Jun Abines)

KAUSABAN, BOW!

       Ang tulay nahugno Kantina nasunog
Dakong kahoy magkuno maoy padayon nagbarog
Motorpool sa ibabaw dugay nang nahanaw
Way andar sa makina pwerti gyud kamingaw

Veneer plant napapas opisina nawagtang
Puthaw ug materyales ila gipatimbang
Ospital nagpabilin kay dunay nag amping
Apil gym sa campo uban sa nabilin

Karsadang libaong sementado na karon
Lapok ug abog parti nalang sa kagahapon
Lagyong lugar kaniadto sayon lang baktason
Karon ang doul nga tiangehan sa motor pagasakyon

Batang pobre kaniadto niuli nga nag awto
Nanglangyaw nagmalamposon usa na ka edukado
Naglibog natingala sa iyang nasaksihan
Iyang yutang natawhan halos di na mailhan

Mga silingan nanglakaw katigulangan nipanaw
Balay nga gubaon naghari ang kamingaw
Palibot daw nigamay daghan kaayog sagbot
Kaguol ang gibati dughan naghuot

Dili kini ang Diatagon nga iyang nahimumduman
Bibo nga palibot ug daghan kalingawan
Mga tawo sa palibot wa siyay mailhan
Wa gyud mikidhat o mipahiyom man lang

Karaang silingan klasmet ug barkada
Mao na lang intawn ang nakaila kaniya
Nagsugba nagkilaw kagahapon gihisgotan
Mga kabuang ug uyab-uyab maoy gisumsuman

Haw-ang niyang pagbati iyang gipahibalo
Dili ni mao ang Diatagon kaniadto
Apan alang kanila palibot way kausaban
Siya nga nanglangyaw maoy di na mailhan, bow!

(By: Jun Abines)

PISBOK, BOW!

       Nindot lantawon Pisbok ni "Inday"
Picture nag "emote" nag "selfie" kanunay
Dagko nga eyebugs, way sudlay nga buhok
I-upload gihapon nga way kukahadlok

Di sab mapildi profile ni "Dodong"
Astig ang porma ug macho tan-awon
Buhok gipatindog gikoloran kuno
Aron daw ingnong heartrob nga Koreano

Syempre si "Ate" di gyud pa-iwit
Picture sa mga mall apil sab ang foodtrip
Mga sexy nga picture iya gyud i-upload
Aron iyang ex-bf mosamot kaibog

Pinakamaot nga profile mao kang "Kuya"
Karaan nga picture black and white pa
Mo log-in sa pisbok kausa sa tulo ka bulan
Sweet message ni Ate, napan-os na lamang

Pinaka wholesome gyud ang profile ni "Manang"
Picture sa pamilya iya gyud ipabantang
Anak nga way ilis ang nawong bulingit
Apil picture sa balay sa pisbok ipapilit

Ayaw na pangutana sa pisbok ni "Manong"
Tungod busy sa trabaho wa na siyay panahon
Kung mag pisbok pa siya pamilya way kaunon
Ang iyang nga kalipay sigarilyo'g ilimnon.

Pagka adik sa pisbok kini makadaot
Wala kay mahimo labhonon mag dan-ok.
Ang trabaho ug pisbok di angay'ng isagol
Kay kung masakpan ni Boss siguradong kang putbol. Bow!

(By:Jun Abines)

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

KAGABHION

       Tingog sa palaka mao ray nabati
Samtang mga bituon sa panganod nagpahipi
Paak sa lamok ako lang giantos
Sa gabiing matugnaw ania nangiyudpos.

Text sa hinigugma wa pa gyud niabot
Signal sa celfone tinood makasapot
Tiyan nagdagook nireklamo kay gigutom
Apan, Kasing-kasing masulob-on walay gana'g kaon.

Nagsugod ang tanan tungod aning facebook
Sa maanyag mong "selfie" ug aping mong lamorok
Wala pay usa ka buwan imo kong "gisugot"
Sa sige nato chat allowance ko nahurot

Asa na man ang imong mga panaad
Sa mas kwartahan nga lalaki sige kag kuyog laag
Mga malipayon ninyong picture imo kong pasuyaon
Dughan ko nadugmok ug naghilak sa hilom

Putli kong gugma daw gikumot-kumot
Dili makatulog ginhawaan naghuot
Wa ko handuma usa ikaw ka maluibon
Wa kay kasing-kasing, atay ug batikulon.

Busa ania ako miuli sa Diatagon
Aron tanan kasakit kalimtan sa dayon
Maayo gani si Inday, kanhi kung trato dalaga gihapon
Nagkita mi ganina tam-is iyang pahiyom

Goodbye facebook, goodbye selfie
Kay mag "date" mi ugma ni Inday didto sa "koswi"
Kung kami magkadayon sa dalan sa kaminyoon
Invited mong tanan sa engrandeng selebrasyon. Bow!
(By: Jun Abines)

DIYOY

Lingin, tam-is ug karubkob kaonon

Lami tilapan imo wa-it papulahon

Hinimo sa harina kini makaon makabusog

Gibitay sa tindahan aron mga bata maibog

Barato kaayo tag dyes sentabos lang kini

Lami jud i-snack pares sa ice-candy

Mga amigo'g amiga maoy sab ang paborito

Maoy sige paliton sa tindahan sa kanto

Apan ang diyoy kalit lang nahanaw

Tungod kay ako nahilayo'g nang langyaw

Kalami sa diyoy kanindot handumon

Sa bata pa ako didto sa Diatagon. Bow!

DEAR CRUSH...

My problem started when I first saw you smile
My heart malfunctioned it stopped beating for a while
My lungs almost collapsed I can hardly breathe
Your killer smile is too fatal and sweet

Every night I can't sleep I just kept smiling
These lovely images of yours in my head kept flashing
In all the words I say your name kept popping
I am terribly overwhelmed by these strange feelings

I went to a witch doctor to get some prescription
Her diagnosis for me is severe and chronic infatuation
I was advised to avoid you especially your kiss
Or I will suffer forever this magical disease

A wizard warned me that you are dangerous
You could be a carrier of a love virus
I am now hopeless and desperate with my situation
You are the cause and the very source of my infection

A fairy whispered my sickness has an antidote
All I need to do is send you this love note
If you are suffering the same symptoms I'm telling you
We'll both be cured by telling each other "I love you."

(By: Jun Abines)