NAMAYABAS

Dako gayud akong pagmahay
Nga wa motuo sa tambag ni nanay
Sa pag eskwela sige ko ug ekyas
Sa akong kurso wa ko mi tiwas

Ambot di gyud mapugngan ang lakwatsa
Sigeg inom kuyog ang barkada
Ako sab uyab pwerting gwapaha
Ako gyud nabuntis ug gipangasawa

Ania nag lisod sa kinabuhi
Kay mga kompanya pwerti mopili
Mga gradwado lang ang ilang dawaton
Ang walay diploma isnabon lang intawon

Kanindot unta mobalik eskwela
Apan adunay anak ug dunay asawa
Ako silang pakan-on matag adlaw
Kinahanglan mokayod sama sa kabaw

Ulahi na gayud ang pagbasol
Sa akong kamaldito ako nanghinolsol
Akong mga anak maoy paglaum
Himoon ang tanan aron paeskuylahon. Bow!

By Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

MORAG IMO, MURAG DILI

Totuki ug maayo kung sa imo ba naliwat
Basin sa imong kadanghag ikaw gyud nalipat
Tan-awa ang ilong kung pwerti bang lisngaga
Kung gwapo ug mistiso dili gyud na imoha

Mao kana'y tambal sa mangasawa'g pinugos
Giningnan ka'g di pwede kay siya daan buros
Apan ikaw di motuo kay ikaw lagi nahigugma
Ikaw nipasalig nga kaniya mo-amoma

Apan ayaw kabalaka ikaduha imo na
Taronga lang pagpangga gwapa mong asawa
Sa kanhi niyang uyab ikaw magpasalamat
Kay imong kinamagulangan mistiso ug liwat. Bow!

By :Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

HARING GANGIS

Pwerti gyud nimo kalami isugba
Hait nimong panit pwerting bagaa
Sa suka nga aslom ug sili nga halang
Saging ug kamoteng linung-ag ikaw parisan.

ULAN

Ayaw intawon gub-a ang akong paglaum
Kay kami ni Nening magkita didto sa baybayon
Basin karon adlawa iya na gyud akong sugton
Kung kini mahitabo ako ti ood magmalipayon

Apan unsaon man kini kung dili ka mohunong
Bag-o kong sapatos ug sinena imo gyud bas-on
Maayo unta magdala si Nening ug payong
Aron ako makatapad kaniya pasumangil ug silong

Unsa kaha kung siya sa ulan tugnawon
Kanindot handumon nga iya kong pagakson
Basin mao na gyud kini ang akong higayon
Palihug ulan ayaw nalang ug hunong. Bow!

By : Jun Abines

Gamay nga hangyo, kung ikaw na lingaw ug giganahan sa mga balak, 

palihug ug click sa mga Ads ug Pahinumdom nga naa sa kilid.

Dako kini ug tabang kanako nga padayon mag sulat ug mga

balak bisaya. Salamat

GIMINGAW

Gimingaw ako sa tam-is mong mga halok
Kalami simhoton puti ug aslom mong ilok
Kalami pisliton gagmay mong mga bil-bil
Samtang gipaak mga pula mong ngabil

Gimingaw ako nga ikaw tandayan
Samtam na hapyod-hapyod sa imong tiyan
Kasing-kasing ko pas-pas gyud mopitik
Samtam sa kalipay imong kong gigitik

Ikaw lang gyud ang akong ginadayeg
Wa nay makalabaw sa imong mga parayeg
Tungod kanimo ania ako nang langyaw
Busa ntoson ko na lang ang mga kamingaw. Bow!

By : Jun Abines

PANGANDOY

Pangandoy ko ikaw sa kinabuhi
Apan ang panahon kanako nag dumili
Tungud kay dili ko ikaw kaya makab-ot
Sama ka sa bitoon, ako ang sagbot

Himoon ko ang natan alang kanimo
Isugal ang kinabihi, dungog apil ang anino
Kay ikaw lang gyud ang bugtong kalipay
Alang kanimo andam ako magpakamatay

Palihug intawon ayaw ko talikdi
Kay daghan pa ko gustong isulti
Ikaw ang naa sa huna-huna pirmi
Pinirisong pagbati ikaw lang makalibre

Hinaot nga imo akong paaboton
Himoon ko ang tanan di ko ikaw pakyason
Kay ako usa lang nimo ka ulipon
Ikaw ang pangandoy ug inspirasyon. Bow!

By : Jun Abines

KLASMET

Nalipay ko nga nagkita ta
Medyo nausab na gyud atong mga hitsura
Ikaw ni gwapa ug ni seksi na
Ako usab na macho ug pwerting gwapoha

Ikaw naay kotse ug malipayon
Ako way trabaho ug pobre gihapon
Apan ako kanimo dili maulaw
Kay sa akong mga klasmet ako gimingaw

Atong hisgotan ang kagahapon
Sa matag exams imo gyud kong pakopyahon
Kanimo pwerte nako ka ibog
Apan sa pagsulti kanimo wala ako'y kaisog

Kanindot hisgotan atong mga titser nga boutan
Apil na usab kadtong titser nga gikahadlokan
Parte na sila sa atong mga kagahapon
Tungod kanila kita nag malamposon

Atong ipadayon atong pagkahigala
Tungod kay way lain magtinabangay kundi kita ra
Maghugpong aron sa mga kaayohan
Kay kita ra gihapon ang mabolahan. Bow!

By : Jun Abines